 |
| Mbunge wa Rorya Mhe. Lameck Airo majuzi alipata wakati mgumu wa kuendelea na msimamo wake wa kutogombea Ubunge kwa mara nyingine mara baada ya kupewa maneno yenye hisia toka kwa mwenyekiti wa Mkoa mpya wa Geita Joseph Msukuma, aliyeungana na mwenyekiti mwenzake wa CCM Wilaya ya Rorya Samwel Kiboye almaarufu kama 'NAMBA TATU' wakimsii mbunge huyo kutengua ahadi aliyoiweka ya kutogombe tena nafasi ya Ubunge kwa sababu bado wananchi wa jimbo lake wanamkubali kutokana na hatua kubwa za kimaendeleo zilizoonekana kupitia uongozi wake. |
 |
| NAMBA TATU ambaye ni Mwenyekiti wa CCM Rorya aliema kuwa katika uongozi wa Lameck Airo makubwa mengi yameonekana wilayani humo ikiwa ni pamoja na uboreshaji wa miundo mbinu ya barabara kwa kutumia zana za mbunge na makampuni yake bila kusubiri fedha toka serikalini hali ambayo imesababisha hata barabara ambazo zilikuwa hazipitiki tangu uhuru miaka ya 60 hii leo zimekuwa muhimu na tegemeo kwa masuala mbalimbali ya usafiiri na usafirishaji. |
 |
| Naye Mwenyekiti wa CCM mkoa wa Geita Joseph Msukuma alisema kuwa kwa wale wazawa nawananchi wapiga kura wanatakao kubali uamuzi wa Lameck wa kutogombea tena jimboni humo basi hawayataki maendeleo na ni wale ambao wenye chuki binafsi wasiopenda maendeleo ya Rorya. " Siku zote Lameck amekuwa si msemaji zaidi yeye huzungumza kwa vitendo, hana blaa... blaaa! Hawa ndiyo watu tunao wataka" alisema Msukuma na kuongeza kuwa "Tumekuwa na maprofesa hapa wasemaji wazuuuuuri wakisifika kwa hotuba zao bungeni jeh wametusaidia nini?" |
 |
| "Mimi licha ya kusikia sifa na uchapakazi wa Lameck ni shuhuda tosha wa jimbo hili nilipata nafasi ya kuja hapa Rorya miaka ya 1999 na ya 2000 hapa palikuwa si pa kutamani kulala, ukilala unawaza kesho utaondokaje, na jinsi ya kuondoka ni lazima udamke kuwahi basi la asubuhi ambapo kwa siku kuna mabasi mawili au moja kutokana na kuwa na miundo mbinu mibovu miaka hiyo lakini leo barabara ikiharibuka kidogo matrekta yya mbunge yasiyo subiri bajeti yana sawazisha...Rorya mnataka nini?" Alihoji msukuma. |
Tupe maoni yako
